خالد الكمار وإيهاب عبد الواحد هيقدموا الموسيقى الخاصة بأضخم عرض مسرحي
عرض جديد عن كوكب الشرق هيتعرض في أكتوبر 2025، وخالد الكمار وإيهاب عبد الواحد هيقدموا الموسيقى الخاصة بالعمل، في تجربة أول مرة نشوفها في مصر.
العدل جروب ستوديوز أعلنوا عن البوستر الرسمي لعرض "أم كلثوم.. دايبين في صوت الست"، واللي يعتبر أول إنتاج مسرحي للشركة وأكبر عمل موسيقي مسرحي عن سيرة أم كلثوم.
العرض بيحكي للجمهور قصص وأسرار جديدة عن حياة الست، من قصص الحب لحد رحلتها من قريتها في الدقهلية لغاية ما وصلت إنها تبقى أهم صوت في العالم العربي.
المميز في العرض إن الموسيقى هيقدمها اتنين من أهم الأسماء الموجودة على الساحة: خالد الكمار وإيهاب عبد الواحد، واللي هيكونوا مسؤولين عن كل المزيكا اللي هتتقدم في العرض.
المسرحية هتتعرض في أكتوبر 2025 على مسرح "المسرح" في مدينة السادس من أكتوبر، وهي من تأليف وأشعار مدحت العدل وإخراج أحمد فؤاد، متوقع تكون من أهم العروض الموسيقية المنتظرة في مصر والشرق الأوسط.
- Previous Article Rap of the Week | Aug 26 - Sep 1
- Next Article Tamino on Mythology, Egypt’s Charm & The Soulful Essence of ‘Sahar’
