ش حاجة تستخبى إن الراب في الشرق الأوسط وشمال أفريقيا أنطلق وبقى مسيطر ومتواجد أكتر من الأول، وفي 2020 بالذات شفنا مشاريع كتير في المنطقة دي، مشاريع من مواهب شابة بتحاول تبدأ أول خطواتها في عالم الراب، ومشاريع من نجوم كبار اخيرًا بقوا ياخدوا التقدير اللي يستحقوه. و2020 كانت السنة اللي اكتشف فيها العالم بره موسيقى الراب عندنا وده بسبب فتح شركات عالمية زي UMG و Warner مقر ليهم في الشرق الأوسط وتعاقدهم مع رابرز عرب.


في سين نويز كنا بنتابع مشهد الراب خلال آخر 10 سنين عشان نطلع أهم 30 تراك، وده كان عمل شاق جدًا وسط الكم ده من الإنتاجات، بس ده خلانا نشوف إزاي السنة دي كانت نقلة تانية مختلفة لموسيقى الراب، وكل يوم فيه مغنيين ومنتجين أكتر من الأول.

والسنة دي دخلنا تعاون مع أنغامي عشان نختار أفضل 100 أغنية راب ظهرت في الشرق الأوسط وشمال أفريقيا في السنة اللي فاتت، ودي ماكنتش مهمة سهلة علينا، عشان فيه حوالي 1381 أغنية راب في 2020 على أنغامي، ودول اتسمعوا لمدة 5 مليون و757 ألف و 538 ساعة من الراب في 2020 بس! يعني تم تشغيلهم 126,283,639 مرة!


 الموضوع مالوش علاقة بالنجاح ولا التجارية، ولا عدد مرات التشغيل على أنغامي، ولا ده تصنيف معتمد، لكن هو وجهة نظر المحرر ورأيه في تراكات الراب اللي نزلت السنة دي سواء كانت لمغنيين جداد أو قدام.


دوس هنا عشان تسمع البلاي ليست كاملة على انغامي او اسمع مقتطفات منها بعد كده.