بكل الاشكال ٢٠١٩ كانت سنة غير كل السنين إللي عرفناها في مشهد الراب العربي. ٢٠١٩ كانت السنة إللي احتل كتير من نجوم الراب العربي المحتوى الرائج (الترند) وكانت السنة إللي قرر معظم مقدمين الراب فيها التوجه لبلاتفورمز أخرى زى سبوتيفاى، انغامى، ديزر و آبل ميوزك و ده يعتبر أكبر انتشار عاصره مشهد الراب العربي منذ بداياته. بجانب الانتاج المرئي الواسع مقارنة بالاعوام السابقة وظهور اشكال جديدة و فروع أخرى في شكل المزيكا المتداولة تحت إسم الراب / الهيب هوب اختارنا في سين نويز أكتر ٥٠ تراك لفتوا انظارنا في ٢٠١٩ من معظم بلاد الوطن العربي و حابين نشاركهم معاكم في المقال التالي
سنفارا و نوردو - نبات نحارب
تراك قوي جدا وتعاون فوق الممتاز بيحكي عن الدنيا و التحديات في الشارع و في طريق الشباب لحن صعب جدا إنه يخرج من دماغ إللي بيسمعوه وده شئ بيميز الراب التونسي جدا و SANFARA بالاخص
ابيوسف - مدينة
التراك من البوم تمام بيتعرض فيه وجهين لاسلوبين للمزيكا أول جزء في التراك بنسمع الجمل الطويلة باستخدام الاوتوتيون في شكل غنائي لحد مبنوصل 1:27 و بيحصل تحول كامل في البيت والموضوع و بيتجه ابيوسف لاستخدام البارات أو الجمل العشوائية بشكل ناجح جدا من ابيوسف وبيتكرر التحول تاني عند الدقيقة 2:38 بيرجع ابيوسف لطريقة الغناء على هيئة كوراس بصراحة استخدام المؤثرات كان من الانجح إنه يدخلني في مود تراك في ٢٠١٩
اليام مع بدر عازم و دوديكس - لما لا
المدرسة القديمة للراب بيحكي التراك عن ذكريات و أفكار و رحلة عمرية و مواقف بيمروا بيها. التراك بيجمع بين البوم باب و الRnB الغنائي.
بو كلثوم - جوانا
و هو بالنسبالى من أنجح الأعمال في ٢٠١٩ تراك غنائي متكامل إنتاج موسيقي هايل و أداء غنائي تفوق فيه بو كلثوم و رغم بساطة الفيديو هو كان مناسب جدا للمود العام التراك.
ليجي سي - كذا وكذا
مع الجدير بالذكر إن ليجي سي يعتبر من آكتر الشباب الظاهر و مستواه بيتطور بشكل ملحوظ جدا في محاولات كتير كلها ناجحة في تقديم لون مميز بيه و متفرد بيه ليجي سي هو المنتج الموسيقى لتراكاته كلها عدا تراك كوابيس.
باتيستوتا و ليجي سي - كوابيس
بالإشتراك مع باتيستوتا و البيت كان من إنتاجه برضه.
على ويزى - على العادى
التراك من ضمن البوم طخ إنتاج 8انش وإللي شوفتو تراك متناسق جدا مع الفيديو و أسلوب غنائي بالشكل الغربي باللهجه المصرية و ده نجح فيه ويزي جدا.
يوسف جوكر - حاسس باللاشئ
بيحكي فيه عن أفكار بيمر بيها يوسف واللون المسيطر على العمل هو اللون الرمادي و الغرفة المظلمة إللي بتعكس أفكاره بشكل موفق ومتناسق مع الموضوع.
ابيوسف - ماتخافيش
التراك من البوم تمام و أتجه فيه ابيوسف برضه لاستخدام الشكل الغنائي و كان فيه البار الشهير ‘مش مصدق إن احنا بقينا نجوم يا مان’ بيحكي فيه ابيوسف رحلة الرابر الطويلة والتحول المفاجئ في شكل المشهد و الشهرة إللي جت مفاجئة و واجههم و بيحكي مواقف على هيئة بارات بشكل قادر يوضح الصورة بشكل مميز.
اليام - سايبك
.من إنتاج تونا بيتس. الكوراس جميل جدا و لحن مميز جدا و أداء قوي في سرد و تشبيهات اليام لحياته و أفكاره.
كريم مدحت - كلاكس
إنتاج موسيقي باتيستوتا،إنتاج مرئي. ٨ انش و التراك إللي بكل الاشكال حقق نجاح لكل الاطراف كعمل ناجح متكامل و موضوع مناسب جدا لسن كريم و طريقته الجديدة في تقديم رؤية في شكل من اشكال الشباب و اهتماماتهم.
السينابتيك و جاي جاي - برقوق ليلكي
تراك من أقوى ما قدم السينابتيك انطق موسيقي ممتاز ، و كوراس عظيم. التراك بيحكي عن الجانب العاطفي للسينابتيك.
شاهين - الفرنده
في أول رجوع لشاهين امام الكاميرات رجع بفيديو مع الفايف تحت إسم الفرنده وإللي اثر بشكل قوي في رجوع شاهين و انتشار اغنيته وكسرها حاجز المليون فيو على اليوتيوب العمل مسيطر عليه البساطة و في نفس الوقت هو عمل متكامل الأركان بيحكي فيه شاهين عن نفسه الفتره إللي فاتت بطابع إسكندراني بسيط.
J.F.K - سنفارا
من آكتر الألحان إللي علمت معايا. سنفارا في العموم من أفضل الناس إللي بتلحن الراب عموما و بيستخدم الاوتوتيون بشكل مميز جدا و بيختار البيتس إللي يقدر يقدم ده عليه بشكل مميز راب بينقل صورة من الشارع على ايقاع تراب
ويجز - سكرتي
إنتاج ديجي توتي، من آكتر التراكات إللي قادرة تاخدك لمود تآني بسرعه جدا و هي من انسب التراكات و ترشيحاتي في ال Playlists بشكل دائم. فيها أداء صوتي قوي جدا من ويجز كعادة تراكات ويجز هي أفكار المراحل العمرية إللي بيسردها دايما بتتحدث مع كل المواقف إللي بيعيشها.
سمارا - الموندو
و هو التراك إللي كسر حاجز ال ٥٠ مليون مشاهدة على اليوتيوب. هندسة صوتية و لحن فوق الممتازين بيحكي عن الشارع و مشاكله و قسوته و تأثيره في شخصية الشباب و انعكاسه على شخصياتهم المشهد التونسي عموما مزدهر بشكل مميز جدا و متنوع بين معظم انماط الراب رغم سيطرة التراب و المدرسة الجديدة على التيار ذي معظم المشاهد في وقتنا الحالي.
موسى سام - مش هتسلك
رغم اصدارات موسى القليلة إلا إنه واحد من الرابرز المؤثرين في المشهد المصري و اللي عنده معجبين بيستنوا اللون إللي بيقدمه و هو ليه طريقة و وصفة الجمع بين موضوع و طريقة الإلقاء الشبيه بالمامبل و اختيار البيت المناسب وده بيقدمه بشكل مميز و بتستناه الناس جدا.
فرندز كرو - منساش
تراك جديد من نوعه في المشهد المصري من إنتاج موسيقي الشربيني طح تراك بيحكي جانب عاطفي باسلوبين مختلفين و طبقات صوت مختلفة عاملة انسجام و كسر للملل و توازن في المود العام بلغة بسيطة جدا و لحن مميز جدا أداء مارفل و فايروس.
مسلم - كباليرو
.بس بالشكل المغربي المتلحن البيت معتمد على 808 العالية وفيه هايب قوي، حسيت البيت أقوى من الفوكالس بس تراك ناجح بجميع المقايي
الفايف و ويجز - مدينة المذنبين
من أقوى التعاونات في المشهد المصري لسنة ٢٠١٩ و من أقوى الإضافات في مسيرة ويجز و الفايف تراك فعلا متوازن جدا مسيطر عليه مود غامق متنوع بين الفايف و ويجز و طبقات صوت مختلفة و فلو مختلف كليب بسيط و مناسب جدا للمود إضاءة و مونتاج و مؤثرات مضبوطين جدا.
أبيوسف و أبو الانوار - باشا إعتمد
في أول قايمة هيتات ٢٠١٩ بجدارة. بيت قوي بيظهر فيه ليل بابا لأول مره و بيثبت رجله كبرديوسر قوي و كبير من أول عمل و حسن خورشيد بإخراج بسيط و كوميدي ساب علامة مع الناس و التراك انتشر بشكل واسع جدا و احتل الترند مع نزوله.
مسلم و ديجي أفريكانو - آش عندك
من أقوى التراكات إللي فيها هايب إللي سمعتها في ٢٠١٩. بيت و هندسة صوتية قويين جدا و دخلات تحسسك فعلا إنك مش قادر تقعد ثابت.
ويجز و عفروتو - مش هقولك بيبي
تعاون بين ويجز و عفروتو، إنتاج موسيقي راشد و هو تراك هيت كايقاع و مود و كليب و أظن إسم التراك بيوصف موضوع التراك بدقة .
مروان بابلو و مولوتوف - فري
من آكتر الأعمال إللي نالت بإعجاب المستمعين و المشاهدين في ٢٠١٩. يعتبر إنتاج مرئي ضخم و احترافي جدا و ده ظهر في معظم الكادرات في الفيديو زائد بيت قوي جدا من ملوتوف و ستايل مروان بابلو في التراب المنفرد به في مصر.
شب جديد - عرب ستايل
من ضمن التراكات القوية جدا في البوم سندباد إللي أصدره شاب جديد بالتعاون مع الناظر و من آكتر التراكات إللي شاهدت انتشار و نجاح في الالبوم المعتمد على المدرسة الجديدة إللي قدمها شاب جديد بشكل ناجح جدا مع الناظر
علي ويزي - ساعة دهب
ساعة دهب من إنتاج باتيستوتا الموسيقي و إنتاج ٨ انش المرئي و التراك مايل لمود أغمق و بيحكي في اطار مواقف و مشاكل بيقابلها ويزي مع المحاوطين بيه على ايقاع تراب وإللي لقيت انتشار واسع بين الفانز
شاهين - صوت بجع
في تآني ظهور لشاهين بعد غياب امام الكاميرات بيرجع شاهين بتراك و فيديو صوت بجع إللي احتل الترند مع إصداره في خطوة ناجحة و موفقة في مسيرة شاهين التراك في موضوع بسيط و ده بيتميز به شاهين بيقدم ردوده على كلام الناس حوله اسلوب بسيط يوصل لكل الناس بسهوله.
تو نتصرف - A.L.A
شيبوبة - خلي يشوف نصيبو
عشاق الاولد سكول و بلاغة اللسان هيلاقو كنز في التراك ده من أقوى اعمال شيبوبة في ٢٠١٩. رايمز و موضوع و كلمات بشكل ممتاز و قوي جدا من شيبوبة إللي بيمثل واحد من أقوى الرابرز في الشرق الاوسط.
مروان موسى - البوصلة ضاعت
و هو من آكتر الأعمال إللي أثرت في متابعني المشهد المصري بنطتق واسع و اراء فقط إيجابية تراك معتمد على ايقاع شرقي جديد أقرب للعزف الكلاسيكي على مسارح الاوبرا وده كان نوفق جدا من مروان موسى و اضافله كتير جدا في مكتبته الموسيقية.
سايفر السودان
بيشترك ٧ من رابرز السودان في سايفر على طريقة المدرسة القديمة كعادة السايفر بيكون استعراض قوة السايفر قوي و متناسق جدا لعشاق الاولد سكول.
مازن عوض و سيدو سيمبا - ما مهم
تراك يقدر يدخلك مود فريد من نوعه على الايقاع الإفريقي و الاسترسال بشكل مريح جدا و بيحكي جانب عاطفي.
أبو الانوار - سكو سكو
تراك شاهد نجاح سريع لأبو الانوار تراك مليان حركة و بيشهد تطور كبير في جماهيرية أبو الانوار في الساحة المصرية و سباق المشاهدات.
شب جديد - كحل و عتمه
فيديو كليب يتسم بالبساطة و قائم على تغيير كدرات من الشارع الفلسطيني تراك قوي من شاب جديد و فيديو كليب ممتع و بينقل صورة كاملة سريعة لجوانب كتير من الشارع الفلسطيني.
كلاش - عبيلة
وهو راب هجاء أو هجومي في اطار بيف كلاش مع شيبوبة. لمتابعين معارك الراب أكيد لازم تسمعوه.
4N The Human - Papa Told Me
فيديو قوي ظهر لوجه جديد و فيديو فيه إخراج احترافي على النمط السينمائي أداء و عرض قوي من الرابر و المخرج لفت انتباه الجميع برغم اللغة الإنجليزية المقدم بها العمل.
سايفر الحرب العالمية التالته
من أقوى مقدمي المدرسة القديمة في مشهد مصر وإللي بيجمع بين اسامي رع و بحر و توفيق لأول مرا معا على ايقاع تراب بالاحتفاظ الكامل لاسلوب الإلقاء على طريقة المدرسة القديمة بدون استخدام مؤثرات و معالج صوتي مع استخدام جمل استعراضية طويلة.
باتيستوتا -الفا ميل
لقى انتشار ضخم وسط المشهد المصري معتمد على الحركة و ايقاع التراب المصحوب بال808.الصاخب إنتاج مرئي ٨ انش.
ويجز - كده و كده
فيديو كليب من ضمن اعمال ويجز الكتير في ٢٠١٩ وإللي لقى انتشار واسع جدا في المشهد المصري إنتاج موسيقي مشترك بين باتيستوتا و توتي فا هنلاحظ التنوع في البيت و قوته.
مينو زين - فيزا
وهو آخر اعمال مينو زين ب ٢٠١٩ موضوع التراك عن رغبة الرابر في السفر و الوصول للنجاح و تحقيق حلمه و بيطرح بعض الأشياء إللي سببتله الرغبه في السفر طريقة بين الغناء و الراب و ده متميز به مينو زين.
بلاكود - I'm Waiting Outside
من التراكات البسيطة إللي ممكن تسمعها في أي وقت. إنتاج موسيقي بسيط و قوي.
فيروس و مارفيل - شوافين
التراك ده من التراكات القليلة إللي بتجمع بين الهايب و المود بسبب تنويع الأداء بين مارفل و فايروس و محاولة لمزج ال جيتار مع التراب و طريقة الإلقاء بين المدرسة الجديدة بأنواعها و المدرسة القديمة جعله من ضمن ليستتنا ب ٢٠١٩.
سايفر بريكينج باد
.هو السايفر الأول من نوعه في مصر و بيجمع بين ٥ من نجوم التراب و المدرسة الجديدة: مادو سام، ويزي، موسى سام، فيروس، مارفل. إنتاج موسيقي : الشربيني.
ابيوسف - زووم
.في ظهور في آخر عام ٢٠١٩ ظهر ابيوسف بكليب زووم بالإشتراك مع حسن خورشيد و ليل بابا و كان بالنسبالي ايقاع و تجربه جديدة من ابيوسف و ايقاع مختلف.
فورتكس - مدير
.إنتاج موسيقي هايل و فلو قوي من فورتيكس. عشاق المدرسة القديمة و الراب يخشو يسمعو تراك قوي جدا.
ويجز - بولا بولا
.من التراكات الافضل في ٢٠١٩، ضمن تعاونات ويجز مع ديجي توتي. التراك بيحكي و بيشبه الدنيا ب بولا (قمار) بطريقة ويجز الغنائية
ليجي - سي - ياخويا
.من أقوى و أفضل تراكات ليجي سي في ٢٠١٩ و اللي شوفنا فيها تغيير كبير في طريقة أداء ليجي سي و استخدامه لأكثر من طبقة صوت و فلو في التراك.
ارسنيك - الشئ
.عشاق قوة الكلمة و التشبيهات، ارسنيك هيكون الانسب لزوقهم.
ارسنيك - تعرف إيه
.بنصح برضه تسمعوا التراك ده من أرسينيك - تعرف إيه.
مروان بابلو - الجميزة
.في مشروع صوتي جديد بين بابلو و ملوتوف ظهر لينا كليب الجميزة مزيج بين التراب و الطبلة الشعبي وإللي لقى انتشار ممكن يكون الاضخم في اطار المشهد المصري بين مهاجمة و تاييد
ويجز - لقطة
.بالتعاون مع مولوتوف يصدر ويجز تراك تحت إسم لقطة مزيج بين التراب و الطبلة المصري و اللي بقى نجاح كبير وسط جمهور مزيكا الاندر جراوند و متابعني مشهد الراب في مصر.
