٣فاز ظاهرة فريدة من نوعها في مشهد الموسيقي البديلة في مصر لعدة أسباب - أولها نوع موسيقته اللي مش بتندرج تحت أي تصنيف واضح. مزيكة ٣فاز مش الكترو-شعبي ولا مهرجانات، بل هي تجمع بين التكنو والبايس و تستوحي عوامل كتير مين المهرجانات. السبب التاني إن المنتج المعروف ب٣فاز بيمتنع عن إنه يظهر بوجهه أو يفصح عن إسمه الحقيقي بهدفين؛ الهروب من أي قيود ممكن تأثر على صوته أو حريته الفنية، و أن يتفادي أي ربط بين مشروعه الموسيقي الحالي و مشاريعه الموسيقية الاخرى.
أخر سبب بيجعل ٣فاز مثير للاهتمام هو إنه قدر يوصل بمزيكته للجمهور الاوروبي و لعب عدة حفلات قبل ما يلعب أول حفلة ليه هنا في مهرجان DCAF ٢٠١٩ مع الرابرز الكبار ويجز و أبيوسف، و لعب مهرجانات موسيقية كبيرة زي Nuits Sonores في فرنسا و تم بث عرضه على Boiler Room TV. يا ترى مين هو ٣فاز؟ اتفرج على حوارنا مع الموزع المجهول عشان تعرف أكتر عن صوته، اصداراته الجديدة، و أول حفلة له.
تابع ٣فاز على الفيسبوك، الساوندكلاود، والانستاجرام.
